четверг, 31 мая 2012 г.

Koran by heart

http://www.youtube.com/watch?v=-YCaQVIoq8Y&feature=related
http://www.youtube.com/watch?v=Bc-H6jn7VFA&feature=related
http://www.youtube.com/watch?v=2zKpEJLYHvM&feature=relmfu
http://www.youtube.com/watch?v=_JzP594L6Q4
http://www.youtube.com/watch?v=Bc-H6jn7VFA&feature=related
http://www.youtube.com/watch?v=aR0oV4P9sEQ
Набиюллох Саидов аз Точикистон
http://www.youtube.com/watch?v=qeEEA_vk51g&feature=related

вторник, 29 мая 2012 г.

Гурӯҳи 99-ум


Подшоҳе, ки ба як кишвари бузург ҳукумат меронд, боз ҳам аз зиндагии худ розӣ набуд, аммо худ намедонист, ки сабаб дар чӣ бошад.
Рӯзе подшоҳ дар қасри худ қадам мезад. Ҳангоме, ки аз назди ошхона мегузашт, садои сурудхониро шунид. Ба дунболи садо, подшоҳ мутаваҷҷеҳи як ошпаз шуд, ки дар чеҳрааш хушбахтӣ ҳувайдо буд.
Подшоҳ бисёр ҳайрон шуда пурсид: - Чаро ин қадар шод ҳастӣ?
Ошпаз чавоб дод: - Ман фақат як ошпаз ҳастам, аммо талош мекунам, то зану бачаамро шод кунам.
Мо як хонае дорем, ки дар он ба андозаи кофӣ хӯроку либос дорем. Аз ин хотир ман розӣ ва хушҳол ҳастам.
Пас аз шунидани сухани ошпаз, подшоҳ бо вазири худ дар ин хусус сӯҳбат кард. Вазир ба подшоҳ гуфт:
- Он ошпаз то ҳол узви гурӯҳи 99-ум нест! Агар у ба ин гурӯҳ напайвандад, нишонгари он аст, ки марди хушбине аст.
Подшоҳ ба тааҷҷуб пурсид: - Гурӯҳи 99-ум чӣ гуна гурӯҳест?
Вазир посух дод: - Агар мехоҳед донед, ки гурӯҳи 99-ум чист, бояд ин корро анҷом диҳед:
- Як ҳамён сиккаҳои тиллоро, ки дар он 99 сиккаи тилло бошад, дар пушти дари хонаи ошпаз бигузоред.
Ошпаз пас аз анҷоми корҳо ба хона баргашт ва дар назди дари худ ҳамёнро дид. Бо тааҷҷуб ҳамёнро ба хона дароварда боз кард. Бо дидани сиккаҳои тиллои аввалан хеле ҳам дар ҳайрат шуду сипас аз шодии зиёд намедонист чӣ кор кунад. Ошпаз сиккаҳои тиллоиро рӯи миз гузошту ба ҳисоб кардан шурӯъ кард. 99 сикка баромад. Ошпаз фикр кард, ки иштибоҳе рух додааст. Борҳо тиллоҳоро шумурд, вале боз ҳам 99 сиккаи тиллоӣ буд!
У тааҷҷуб кард, ки чаро танҳо 99 сикка асту 100 сикка нест. Фикр кард, ки як сиккаи дигар куҷост ва шурӯъ ба кофтукоби сиккаи садум кард. Утоқҳо ва ҳатто ҳавлиро зеру рӯ кард, аммо хаставу кӯфта шуда, ноумед ба ин кораш хотима дод.
Ошпаз бисёр дилшикаста шуд ва тасмим гирифт, ки аз фардо бисёртар талош кунад, то як сиккаи тиллоии дигаре ба даст ораду сарвати худро ҳар чӣ бештар ба сад сиккаи тиллоӣ расонад.
То дер вакт фикр кард, ба ҳамин хотир, субҳи рӯзи дигар аз хоб дертар бедор шуд ва аз ҳамсару фарзандаш интиқод кард, ки чаро ӯро барвақттар бедор накарданд. Ошпаз мисли пештара дигар хушҳол набуд ва суруд намехонд, ӯ фақат ба ҳадди тавон кор мекард.
Подшоҳ намедонист, ки чаро ин ҳамёни тилло чунин балое ба сари ошпаз оварда аст ва сабаби онро аз вазир пурсид. Вазир чавоб дод:
- Ҳоло ин ошпаз расман ба гурӯҳи 99-ум даромадааст.
Аъзои гурӯҳи 99-ум касонеанд, ки онон зиёд доранд, аммо розӣ нестанд.




воскресенье, 27 мая 2012 г.

"کاش حقیقت داشت"

تصور کن برنده یک مسابقه شدی و جایزه ات اینه که بانک هر روز صبح یک حساب برات باز می کنه و توش هشتاد و شش هزار و چهار صد دلار پول می گذاره. ولی دو تا شرط داره.
یکی اینکه همه پول رو باید تا شب خرج کنی، وگرنه هر چی اضافه بیاد ازت پس می گیرند. نمی تونی تقلب کنی و یا اضافهٔ پول رو به حساب دیگه ای منتقل کنی. هر روز صبح بانک برات یک حساب جدید با همون موجودی باز می کنه.
شرط بعدی اینه که بانک می تونه هر وقت بخواد بدون اطلاع قبلی حسابو ببنده و بگه جایزه تموم شد.
حالا بگو چه طوری عمل می کنی؟
او زمان زیادی برای پاسخ به این سوال نیاز نداشت و سریعا ...
«همه ما این حساب جادویی رو در اختیار داریم ؛ "زمان". این حساب با ثانیه ها پر می شه. هر روز که از خواب بیدار می شیم، هشتاد و شش هزار و چهار صد ثانیه به ما جایزه میدن و شب که می خوابیم مقداری رو که مصرف نکردیم نمی تونیم به روز بعد منتقل کنیم. لحظه هایی که زندگی نکردیم از دستمون رفته. دیروز ناپدید شده. هر روز صبح جادو می شه و هشتاد و شش هزار و چهار صد ثانیه به ما می دن. یادت باشه که من و تو فعلا از این نعمت برخورداریم ولی بانک می تونه هر وقت بخواد حسابو بدون اطلاع قبلی ببنده. ما به جای استفاده از موجودیمون نشستیم بحث و جدل می کنیم و غصه می خوریم. بیا از زمانی که برامون باقی مونده لذت ببریم.»

بخشی از كتاب "کاش حقیقت داشت" - مارك لوی

пятница, 25 мая 2012 г.

Суханҳои зебо ва пандҳои дилнишин



Ҳар вақт аз даст додани касе ё чизе нороҳат шудӣ, як лаҳза ба набуданаш, ё надоштанаш фикр кун!..
* * * * * * * * * * *
Касе бош, ки умре бо ту будан як лаҳза, ва аммо лаҳзаи бе ту будан як умр бошад.
* * * * * * * * * * *
Чӣ қадар сахт аст, ҳамранги ҷамоат шудан, вакте ки ҷамоат худаш ҳазор ранг аст...
* * * * * * * * * * *
Арзонтарин ва зеботарин ороиш барои чеҳраи инсон лабханд аст.
* * * * * * * * * * *
Эй инсон! Бимон барои сохтан ва бисоз барои мондан...
* * * * * * * * * * *
Масхаратарин саволе, ки аз дигаре мепурсӣ, ин аст, ки: "Метавонам ба ту бовар кунам?"
Дар таърих ҳатто як мавриди "не" гуфтан ҳам наомадааст.
* * * * * * * * * * *
Худоё! Ба бузургии он, чӣ маро додаӣ огоҳам кун, то ба кӯчакии он, чӣ надорам, маро ноорому парешонхотир нагардонад!..
* * * * * * * * * * *
Зиндагии худро ҳамчун гули сурхе бисоз, ки дар сукут ба забони атр сухан гӯяд...
* * * * * * * * * * *
Ишқ ба монанди соати регӣ аст, ки чун қалбатонро пур кардан мегирад, мағзи сари шуморо холӣ мекунад. (Алберт Эйнштейн)
* * * * * * * * * * *

Нобино ба моҳ гуфт: "Дӯстат дорам!"
Моҳ гуфт: "Чӣ гуна? Ту, ки намебинӣ."
Нобино гуфт: "Чун намебинамат, дӯстат дорам."
Моҳ гуфт: "Чаро?"
Нобино гуфт: "Агар медидамат, ошиқи зебоият мешудам, вале ҳоло, ки намебинамат, ошиқи худат ҳастам."



* * * * * * * * * * *
То тавонӣ дар ҷаҳон бо мардумон якранг бош,
Қолин аз сад ранг будан, зери по афтодааст.
* * * * * * * * * * *
Дар гулзори ҷаҳон гуле, ки месӯзаду гулоб мешавад, некбахттар аз он гулест, ки рӯи хоре рӯида,ду рӯзе мемонаду сипас пажмурда мешавад.
* * * * * * * * * * *
Касе, ки дар баробари Худованд зону мезанад, метавонад дар баробари ҳар каси дигаре истодагӣ кунад!..

среда, 23 мая 2012 г.

Нигоҳи нек дошта бошед!



Зане чун ҳар субҳ аз хоб бармехест, ба назди тиреза рафта ба берун менигарист. Дар рӯ ба рӯи пешайвони онхо, ки дар ошёнаи боло зиндагӣ мекарданд, оилае зиндагӣ мекард, ки кӯдакдор буданд ва тифоқан табиист, ки хонуми он хона ҳар рӯз қариб либос мешуст.
Зан мерафт назди тиреза ва нигоҳ мекарду мегуфт: "Чи қадар бад либос мешуяд, либосҳояш ҳамагӣ тоза ношуста аст. Бин чи қадар догҳо дорад, ки нарафтааст."
​​Ӯ бад-ин тартиб чанд рӯз хамин суханро такрор мекард. Рӯзе барвақт мард бархесту тирезаро аз ҳар ду тараф покиза кард, ки дигар берун озодона дида мешуд. Зан чун аз хоб бедор шуд, тибки одат ба назди тиреза рафта нидо кард: "Ваҳ! Ана нав шустанро ёд гирифтааст. Бин, чи қадар пок шустааст имрӯз."
Мард гуфт: "На. Ин ту ҳастӣ, ки нигоҳи галат доштӣ. Ман ин субҳ тирезаро пок кардам. Айб дар либосҳои он зан не, дар тирезаи пок нокардаи туст."
______________________________________________
Ба ҷаҳон бо нигохи нек, бо покии даричаи дил нигаред! На ҳар он чизе, ки ба назар метобад, ҳақиқати он аст.
______________________________________________

>

четверг, 10 мая 2012 г.

Гамамро дар боронхо шустам. Чуз шурии ашкам чизе намонд.
* * * *
Пас аз солхои чудои, уро аз сафхаи интернети Facebook пайдо кардам. Ва "добавить в друзья"-ро пахш кардам. Аз "Facebook" чавоб омад: "Вы действительно знаете ..." Аз алам сахт гиристам...
* * * *
"Омаданаш бахор буду рафтанаш бод. Ва сузиши ишкаш тобистони умрамро тирамох карду калби сарди зимистониашро офтоб таъсире надошт..."
* * * * *
Борон рахи омаданамро шусту паи пои маро бурд. Ох чи гуна мурчаи хаёли ман рахи хонаатро меёбад...
* * * * *
Аз хама таронахоям, ки дар дафтар навиштаву равонат кардаам, дилат нарм нашуд. Баъди бист сол духтарат, ки хамсоли чавониат шуда буд, он дафтарро ёфту гирист ва дуо кард: Худо чазои он сангдиле, ки ба кадри ин таронаву таронанавис нарасидааст бидех.
Таронахоям гирист. Охир на инро мехостам...
* * * * *
Аз ман ба ёдгор дафтари таронахоямро гирифти, бо ин, ки на онхоро мехони ва на дустам дошти... Ва ман аз ту ёдгор гаматро гирифтаам, ки доимо ба огуш мегирамаш.


вторник, 1 мая 2012 г.

Таронахо аз Абдулкодири Рахим




Гуфтам: Бигу, хазор бор бигу, эй ёр, ки дустат медорам. Ва у сад хазор бор гуфт, ки дустат медорам, аммо боре хам дустам надошт.

* * * * * * * * * * * * * * * *
У пас аз хазор соли чудои мехохад хамчунон бигуям, ки дусташ медорам. Мегуям, хазор бор мегуям, аммо ба ин хакикат намехохад боре хам бовар бикунад.

* * * * * * * * * * * * * * * *
Гуфтанд, ки у одами бадест. Ва ман бовар накардам. Болои боми у кабутар менишаст охир. Кабутари сафед.

* * * * * * * * * * * * * * * *
Модарам мегуфт: "Чони модар! Хар сахар, ки пеш аз тулуи хуршед аз хоб бархости, дарвозаро бикушо. Оре, дарвозаро бикушо, то бахт вориди хонаат бишавад".
Ва ман мекушодам. Мекушодам ва духтараки гулфурушро медидам, ки ба огуше пур аз гул мерафт. Мерафт ва бахт ба руи гулхои у механдид.
Пас аз ин духтараки гулфурушро чавоне ба дехе дур бурд. Ва ман, ки дарвозаро мекушодам, на гулро медидам, на духтараки гулфурушро, на бахтро. Факат офтобро медидам, ки бо диле пурхун чун ман аз огози рузи нав хабар медод.

* * * * * * * * * * * * * * * *
Гул хамон як буи ошно дорад.

* * * * * * * * * * * * * * * *
Агар гул умри дароз медошт, бевафоаш намехонданд.

* * * * * * * * * * * * * * * *
Мо дар ин умри кутох расми хандиданро аз гул наомухтаем.

* * * * * * * * * * * * * * * *
Холиё шишаи тирезаамро пиразане бо ангуштони ларзон мезанад ва мепурсад: "Хонаи шоир аст?"
Ман дармеёбам ,ки у аст ва пас аз хазор соли чудои ба сурогам омадааст, аммо ачаб, хамчунон шоирам мехонад, на ошик.

* * * * * * * * * * * * * * * *
"Ишк оташест" - гуфт у.
Оре, замоне гуфт, ки ман хокистар шуда будам.
* * * * * * * * * * * * * * * *
Тарона менависам ва баъд онро месузам. Аммо тарона кай мисоли ёр месузад, кай мисоли агёр?
* * * * * * * * * * * * * * *
Бо ситора метавонам аз ту роз бигуям, аммо намегуям.
Бо мох метавонам аз ту роз бигуям, аммо намегуям.
Бо хуршед метавонам аз ту роз бигуям, аммо намегуям.
Рашк мебарам охир ва хам метарсам, ки аз дастат медихам.
* * * * * * * * * * * * * * *
Гами ёр, ки дар канори ман аст, мегуяд: Шод бош, ки у дар канори дигаре шод аст.
* * * * * * * * * * * * * * *
Ба ваъда чун нигор вафо накард, хайрон нашудам. Хайрон мешудам, агар ба ваъда вафо мекард.
* * * * * * * * * * * * * * *
Фалак туро аз ман чудо кард. У низ аз ошикони туст?
* * * * * * * * * * * * * * *
Нигорам гуфт: таронае бароям бигу.
Гуфтам: дустат медорам.
Ранчиду рафт. Надонист, ки бехтарин таронаамро барояш гуфтам...